Huhuhuhu..lelenggau udu aku ke bilik aku siti tuk. Selamat baru 2010. Taun baru ba aku kelalu mayuh penguji ti ngasuh ati beraie. Tengan bulan 11 tuk tadi, diak betunggal dua kali aku ninggal ke kami. Christina@gundul@indai sara mulai ke diri ke serga. Pemulai ti bangat enda di sadang. Tragic tragedy. Ninggal ke anak dua iko. sinu amai ati aku. Mayuh amai pengingat agi mit kelia begulai enggau iya, taja diatu nyu lama dah enda begulai sekumbang ke sama bisi ruang bilik. Tinggal buah kenang meh iya, tinggal nama meh iya. Nya meh enti lebuh ninga siti ari lagu Nai Dinamik (lagu lama)labuh enda berasai ga ai mata aku. Laban kamiduai sama bela minat amai lagu nya. Nyentuk ke di bai ke jelatung radio maya bebasu pagi...alu di tebah lagu nya atas jelatung. Di anu sida inik meh nya...di rara sida indai meh nya. Begulai bangat sebaka lalu ulah...nya udu di sebut niang aki benat, kamiduai bela cap. Dara empelasik. Pemancal anang ngira, berangkat dara, bela nemu ga enggau urg begagai(baru belajar).Sigi bakih maya gawai, laban ke sama penyegit. Nyu sama bisi ruang bilik, lama ga kamiduai enda betemu. Tang meh iya beberita mancal serta bungah urg empu. Laban sifat iya sigi cali. Asai ke di peda aku dik wai...betanda jejigang laban dik ke besai...nadai ulh salim isi tuk keno ko dik...madah ke diri enggai nyadi slim agi. Bejalai meh dik wai ninggal ke kami. Aku mina ulh ngenang serta besampi dlm ati.
Berengkah ka bulan 12 taun 2009. Ati andal ngarap ke diri ulih nyambut taun baru. Enggai entu ingat ke urg ti udah pegi. Enda di sangka ga menyadik apai aku ke tuai ninggal ke kami sebilik. Asai ke bula dik indai laban ninggal ke kami. Nyentuk ke diatu asai ke bedau parai meh dik ba ati aku. Enda nyangka aku kami di bai dik ngintu taun baru kebendar iya ngintu pemarai dik. Kelalu tumu dik indai ninggal ke kami. Andal ati aku taun tuk indai ke ka begawai enggau dik taun tuk. Keno ko dik suba, besilih enggau sida apai celum ngintu gawai, laban seduai dik apai lama amai enda ngintu gawai, sida apai celum ga ngibun rumah. Udah di angan angan aku baju di kena seduai dik indai kulah...indai, kena ngelagu diri empu laban aku nemu seduai sigi bungah. Asai ke di peda aku tandak dik indai.....asai ke di dinga aku nyawa dik indai...asai ke dinga aku ketawa dik indai...ke udu beterai langgai...asai ke di dinga aku latah dik indai ke udu enda datai nyebut nama siko siko urg. Ni meh ke sima ko dik...subang meh ko dik....naie meh ko dik...
Enti tepeda ke Limah, asai ke tepeda ke dik ga aku indai..laban aku ke udu ngelagu iya...ba dik inik didut...ko aku. Laban ulah iya ke nyu ka sebaka enggau dik. Pementas iya enggau dik...nyentuk ke maya pemarai dik...limah tetemu ke indu ngingit ka di galau iya ke dik...sinu ati aku indai...asai ke ka ngangau enda nemu nama utai ke ka di sebut. Badu meh bilik penaik dik di genaan din beresi lbn di tinggal ke dik. Sayau meh aku meda langkau seduai dik apai...repuk nadai di abas seduai. Kasih aku ke apai laban di tinggal ke dik. Ukai seduai kala nyelepah ari pengan diri. Munyi ko dik, dik enggai di tinggal ke apai dulu parai laban dik enda nemu ngaga langkau. Tang meh dulu ga dik ninggal ke tudah apai. Sapa ga ngintu apai,pengudah dik ninggal ke kami. Merinsa iya indai....taja reta iya bisi, tang ati merinsa laban nadai agi urg enggau iya berandau...belaya...ke ngintu pemakai iya. Ukai ngumbai bala anak enda mentas...tang enda meh baka intu dik. Kengka ke indu ktak sida apak semadi, dik ga ngejang dulu. Nyu tudah inik ga merinsa ati meda dik dulu ari iya.
Nadai ko jaku meh indai, kitai sama bela pulai kia magang. Aku mina ulh besampi ngagai Petara, ngasuh merekat ke semengat dik,ngambi ke begulai enggau iya di serega. Terima kasih indai ke penyiru dik ke kami menyadi taja kami semina anak madik dik, tang pementas dik enggau kami sigi nadai bagi. Sama rata baka anak dik empu. Sinu meh aku ke indai aku empu laban nadai bakih enggau iya berandau agi. Urg ke bangat di karap ke iya ngibun barang kitai laban dik sigi likun jari.
Enda di sangka Taun baru tuk...nyu belabuh enggau Ai mata.
No comments:
Post a Comment