Sari tuk nyu 25 ari bulan 5. Majak mulai ke diri ke menua bala mensia...kelebih agi bala kitai Iban. Sekula pia mega be pun 24 ari bulan tuk tadi udah pemisi. Nembiak ke diau ba buding sigi di anti anti pemisi panjai baka tuk(2 minggu).
Huhuhu...gagit ari bala keda...nyu ke kekebab asai ati keno ko bala keda. Sida ke mancal nemu gik ngelagu utai. Tambah ke lagu gawai majak di pasang ke bala Dj radio...kelebih agi radio Cats. Dini enda ati nyu majak gagit dah wai.
Tengahari tadi bisi ga ngeraun pasar...kelebih agi ba wap seperis. Nyu majak mayuh bala mensia ngalu meli barang kena begawai. Rami amai pasar. Anang agi pama nyu semak gawai ila...be empit empit mensia. Eehh...enti kelia...ama maya gawai enda nemu enda bebeli ke bangku ..katil...mari bala mensia. Dini enda sarat tudah seperis....dini ke endur mensia duduk dah??Bala kitai pen siti hal ga...enti enda maya gawai enda bebeli ke utai ngemerat nya...uji anang nganti maya gawai bebeli ke utai baka nya.
Ehh..nya cerita kelia aaa....diatu dini nemu baka nya agi. Enti ka ba menua Bintulu ditu...menua udah datai jalai magang. Semina ke binyo tauka ke pendan kin ke bedau bisi jalai alun manah. Nadai entu beguna speris mensia...nyamai gik ngena kerita diri empu....sangkai terus ba pala tangga. Semadi meh kitai mulai ke diri ke Binyo tauka ngulu ai Pendan enggi pen enda ngena seperis..Enti enggai sekut sarat begulai enggau urg mayuh...nyamai gik ga ngena kerita...sangkai ba nanga pendan...kulu kin ngena perau diri empu..tauka minta ambi kaban belayan. Ahhh...nyamai gik baka nya sepi aku. Enjoy gik ga ngena perau. Ukai nama wai...rindu ngerising ngenat ke mua empa panas enti nepan perau...hehehehe....tang enti ari ujan..adeh aaa..celap tenganggam ga gasak iya dah. Enti diri sebilik mayuh..nadai ulih nepan seperis magang...pama amai tambang seperis diatu...ancik pengemar. Peneka ati bala apek niki ke rega tambang. Ambik kesempatan ko melayu.
Nya kisah kitai ke ka mulai ke diri ke menua.....tang enti datai di menua,lain ga cerita dah. Pengelelak nadai lebih ari kitai ke indu. Serba serbi kitai indu gawai. Sida ke lelaki udah dulu stat nupi nyawa diri enggau ai bisi. Seminggu sebedau gawai...udah dulu bala keda ngelungau bau empangau. Seari ari nadai nemu ari...seari ari nadai nemu mensia....palau aja2 kerja. Tusah tusah...Nya meh pama nyu maya gawai...sekeda nya nyu rebah sebedau waktu....rebah ukai nama wai...nyu enda sempat enggau urg ngirup ai pengayu...udah dulu palau...rugi udu stail nya. Nyu enda meda pengerami urg. Ko jaku ka rami begagai gawai enggau bala bukai...kitai nyu tumu enda nemu urg..hihihi...ape kes....rugi udu!!...lelak nganti taun baru...wakakakaka....
Auk aaa....angka nya dulu....Ila nyambung....ari 4 tuk mulai ke diri ke menua kami menyanak. Sebedau nya...meri selamat Ari gawai ngagai bala kitak ke bisi nyenguk ruai aku tuk aaa...
Selemat nyambut Ari gawai dayak....selamat gayu guru...gerai nyamai nguan menua.....hoooohaaaa....
No comments:
Post a Comment