Tinggal beberapa ja da agi kitai deka ninggal ke taun 2010. Diak kitai alu nyambut taun baru 2011. Enda berasai wai. Ambis taun 2010 tuk, nyu baka ke bemimpi. Nama azam taun baru munyi ko jaku bala kitai ke ngelama tuk? Ngarap ke taun baru tuk bisi mai pemujur ke lebih manah ari ke udah2. Kira ke bendar gik ngeransing ke ati ari ke udah udah enda pia. Bala anak serta bala menyadik ke agi besekula, arap ke bisi pengeransing ati belajar taun baru tuk. Ke bedau bulih pengawa ngarap ke bulih kerja taun tuk. Kerja bebendar, bisi target ati sigi bukih pemujur anang aja hangat2 tahi ayam ko laut. Urang udah datai di bulan, kitai agi kitang2 angan-angan..nama penyadi? Nadai duit labuh ari langit enda pia? Anang enda sama ngeransing ke ati meh kitai ngiga lubang pengidup serta begiga ke periuk asi diri empu. Baka sida ke biak2 nya..pengidup tuk enda entu tau bepanggai iga ba urg bukai...enggau pengabis ati meh kitai ngidup ke diri(berdikari). Bagas gik kitai gawa, mayuh gik ga utai ulih, pama semina empa kamba...angka nya aja ga utai ulih enda pia?
Ngenang bala kaban belayan ke udh midang udh pegi rempik ninggal ke dunya,baka ibuk aku empu serta betunggal aku ke udh ninggal ke kami sebilik taun nyin kemarik. Sampi aku ngarap ke semangat seduai begulai enggau petara apai kitai di serga din. Sarituk genap setaun dik indai tudut udah ninggal ke kami. Nyentuk ke sarituk agi meh aku bedau ulih pecaya dik udah ninggal ke kami. Asai ke bemimpi...bendar ati ka ngerak diri tang nya meh realiti, dik nadai agi begulai enggau kami...ndai di dinga agi nyawa ngangau...ketawa lelekik serta latah dik ke ngelagu utai. Nyamai meh diatu indai, nadai utai di kenang agi nadai utai ke irau ke agi. Lelekah dik ketawa gaga ati din begulai enggau sida inik tuai ...aki serta urg bukai.
Sebedau aku nutup pintu taun 2010 tuk dulu aku meri terima kasih ngagai Tuhan apai serga laban ke udh merekat aku serta kami sebilik enggau penyiru serta penyenang rejeki ke semampai bisi. Terima kasih tuhan!!!
Selamat Taun baru 2011 semua!!
No comments:
Post a Comment